Opozita mori një vendim sot për tu rikthyer në Kuvend, në seancën që do të zhvillohet ditën e enjte.

Ishin të gjithë aleatët opozitarë të cilët njëzëri vendosen në mbledhjen e zhvilluar me Liderin e Partisë Demokratike, Lulzim Basha, që të mbrojnë të drejtat e studentëve në seancë plenare.

Në rendin e ditës për ditën e enjte është diskutimi për të shqyrtuar dekretin e presidentit Meta për buxhetin 2019.

Ky rikthim nga ana e Presidentit Meta shihet si një shans që Kreu i Shtetit i dha mazhorancës qeverisëse që të reflektojë dhe të ndryshojë buxhetin për të plotësuar kërkesat e studentëve protestues.

Siç po duket Rilindja nuk ka ndërmend që ta bëjë një gjë të tillë dhe opozita e ka mision ta denoncojë këtë fakt dhe të mbështesë studentët gjatë diskutimeve në Parlament.

E gjithë Shqipëria është me studentët dhe opozita do të jetë në Kuvend për studentët, me studentët.