Eshtë për të ardhur keq kur shikon sot se kush e qeveris Shqipërinë. Nuk janë socialistët ata që drejtojnë e qeverisin,  sot në pushtet është sekti i Rilindjes, jo socialsitët,  por një sekt i rrezikshëm edhe për vetë socialistët. Mjafton një vëzhgim i thjeshtë dhe e kupton se ky sekt që sot është në krye të vendit nuk ka asnjë lloj personazhi të kastës së dikurshme që ka drejtuar vendin përgjatë këtyre 28 viteve. Ata që drejtojnë sot janë anonimë dhe nuk kanë asnjë lidhje me PS, as me të djeshmen e të sotmen e saj.

Ky sekt i rrezikshëm që solli në drejtimin e PS dhe në qeverisjen e vendit Edi Rama, e ka përzier edhe vetë PS me krimin e organizuar, ka hedhur baltë dhe ka poshtëruar edhe ato vlera që ka pasur dhe i ka PS.

Të gjithë kryeminstrat socialistë që kanë drejtuar vendin, kanë pasur kush më shumë e kush më pak  probleme të ndryshme, por askush prej tyre nuk është akuzuar për vjedhje e megavjedhje dhe bashkëpunim me krimin e organizuar, si ky sekti që po qeveris sot vendin me në krye kryehajdutin Edi Rama.

Asnjë qeveri socialiste më parë nuk ka pasur kaq shumë anonimë dhe të paaftë në pushtet që kanë rekordet më të zeza të qeverisjes së tyre, të përfshirë në afera korruptive me miliona euro, apo edhe në trafiqe të ndryshme kriminale.  Mjaftojnë vetëm “bëmat” e fundit, si korrupsioni me tenderin e Unazës së Re, devijimi i Lanës, etj dhe e kupton se ky vend është marrë peng nga kjo kastë e ky sekt që solli Edi Rama në 2013.

Asnjë kryeministër socialist nuk ka rekorde e përfshirje të tij direkt apo indirekt në krimin e organizuar, duke filluar nga futja në Parlament e njerëzve që janë të lidhur direkt me krimin, një pjesë edhe personazhe të krimit, apo përfshirjen e tyre në strukturat qeverisëse e deri poshtë në pushtetin lokal.

Asnjë kryeministër nuk është shquar për arrogance të hapur me qytetarin, me shtypin, me mediat, me opozitën e deri dhe me ministrant e vartësit e tij, sesa Edi Rama, duke demonstruar hapur prirjet e tij totalitare, pse jo diktatoriale.   

Asnjë qeveri nuk e ktheu vendin në republikë të kanabisit e heroinës, të krimit e vrasjeve, të kontrabandës, vjedhjes masive  e korrupsionit, si Edi Rama.

 E pra, sot nuk qeversin socialsitët, ata ndihen të marzhinalizuar dhe të nëpërkëmbur, ata vetëm rrinë e vështrojnë….