Miliarderi majtist, George Soros, në një opinion të çuditshëm, shfaqet i shqetësuar sa i përket zgjedhjeve në Parlamentin Europian, të cilat janë parashikuar të mbahen në muajin maj.

Sipas manjatit, Europa duhet të ‘zgjohet para se të jetë shumë vonë’ dhe para se partitë nacionaliste të marrin kontrollin.

 ‘Europa është duke fjetur dhe populli i saj duhet të zgjohet para se të jetë shumë vonë’, shprehet për ‘Project Syndicate’ manjati hungarezo-amerikan, i cili njihet si promovues i të majtë, përfshirë këtu edhe Shqipërinë.

Soros shihet si kundërshtar i rrezikshëm nga forcat e djathta dhe për këtë arsye qeveria e Victor Orban në Hungari e shpalli atë non-grata duke vënë në funksion paketën ‘Stop Soros’, e cila niste me shpalljen të paligjshme të Fondacionit Shoqëria e Hapur (shumë aktiv edhe në Shqipëri e Kosovë).

Ky fondacion nxiste emigracionin ilegal drejt Hungarisë, ndërsa u mbyll edhe Universiteti i sponsorizuar nga Soros, ‘Central Europian University’.

Vitin e shkuar, mediat britanike raportuan se Soros kishte shpërndarë 560 mijë dollarë për të mbështetur fushatën anti-Brexit, ndërsa u akuzua nga forcat Pro-Brexit si ideatori i një komploti që synonte ndalimin e Brexit dhe rrëzimin e qeverisë së Theresa May.

Por me rritjen e partive të djathta në Europë, Soros ka ndezur këmbanat e alarmit. Sipas tij, këto forca politike do të triumfojnë në zgjedhjet për Parlamentin Europian në muajin maj.

Sipas Soros, partitë që kanë në bazë vlerat mbi të cilat është ndërtuar Bashkimi Europian po shkojnë drejt humbjes.