Nga Andi Bejtja/
Dikush mund të mendojë se po të mos kishte Facebook Ylli Dylgjeri nuk do ishte pushuar nga puna...
Zyrtarisht Dylgjeri është dëshmori i parë i Facebook në Shqipëri. Në shekullin 21 nuk e mendoja kurrë që administrata e një vendi do ishte aq e pakujdesshme sa ta pushonte një nëpunës të saj duke i renditur grimcat satirike në Facebook...
Por dhe të mos kishte Facebook të jeni të sigurtë Dylgjeri me mentalitetin e kësaj qeverie do te pushohej nga puna: se do e gjente një mënyrë për tu tallur, se është bërë për t’u tallur.
Kshu ka bërë Dylgjeri me çdo qeveri që është bërë për t’u tallur: ka bëre kështu në ’91- ‘92: ka bërë kështu në ‘97 edhe pse te ‘Koha Jonë’ merrej me reklamë dhe Jo me shkrime: ka bërë me Nanon në tavolinë edhe pse punonte për të...
Jam i bindur qe Ylli do vazhdojë të jetë i njëjti, nuk mund të ndryshojë 50 e kusur: e marr me mend dhe hapin tjetër, do ankohet te Portali Shqipëria që duam për të vërtetuar edhe njëherë se nuk është thjesht zyrtarisht dëshmori i parë i Facebook, por fatkeqësisht për ne dhe demokracinë tonë, shumë e shumë më shumë se një dëshmor i Zuckerberg.
