Saimir Tahiri e ka lakun të fyti pasi pritet të arrestohet si i pandehur me dy akuza të rënda atë të trafikimit të lëndëve narkotike dhe bashkëpunimit me grup të strukturuar kriminal.
Gjykata kaloi sot për gjykim dosjen e tij voluminoze që siç e shikoni në foto ishte aq e madhe sa u transportua me karrocë në korridoret e gjykatës.

Ish-ministrit të Tahiri po i shtrëngohet laku dhe prangat në duar janë vetëm çështje kohe. Prandaj ai përcolli një mesazh të koduar në daljen publike pas 8 orëve në seancë. Tahiri tha se nuk do të jetë ai “Kurban” i politikës që e çoi dyerve të gjykatave dhe brenda në burg.
“Nuk është e kollajtë të jem unë kurban” tha Tahiri.
Ky duket të jetë mesazhi i radhës i koduar që Tahiri i dërgon Ramës. Kohë më parë kur dukej se Rama do tia hiqte imunitetin për të lejuar prokurorinë të kërkonte arrestimin e tij, Tahiri thirri mediat për t’i thënë Ramës se nuk e ka të lehtë ta lëshojë drejt burgut. Tahiri i përmendi shprehjen “S’ka bir nëne e as bir kurve që të më pengojë” dhe çuditërisht Tahirit nuk iu hoq mandati.
Tahiri duket se e kërcënon Ramën sa herë ndihet në vështirësi, jo më kot mediat kanë folur për prova që e implikojnë vetë kryeministrin në çështjet e kanabizimit të vendit./ 55news.al