Analisti Fatos Lubonja ka komentuar ngjarjen e rëndë të ndodhur në aeroportin “Nënë Tereza” në Rinas, ku u vodhën miliona euro.

I ftuar në emisionin “Të paekspozuarit”, Lubonja tha se sipas tij ne nuk kemi bërë ndonjëherë shtet, ndërsa shton se grabitja e ndodhur në Rinas tregoi qartë, thekson ai, se në vend drejtojnë njerëz të paaftë.

 “Për lekë këtë grabisin nga të gjitha anët. Vjedhja e Rinasit tregon qartë se këtu ka një paaftësi shumë të madhe. Pse janë të paaftë dhe pse zgjidhen pikërisht këto njerëz?

Këtu nuk iu duhen të aftët, por njerëz të bindur dhe që nuk  kanë mendimin e tyre dhe të gjithë këta të tjerët do të zgjidhen për mënyrën se si shërbejnë dhe si i bëjnë pisllëqet. Unë nuk jam nga ata që mendoj se kemi bërë ndonjëherë shtet”, tha Lubonja.