AGRON GJEKMARKAJ/

E pameshirshme në dukje permes deklaratave ka qenë amabasada e SHBA-ve, qysh nga djegia e mandateve ndaj qendrimeve dhe gjuhes së Lidershipit opozitar.

E në këso rastesh fillon një festival i madh hipokrizie e propogande e denjë për artikulimin tonë kulturor e politik të ditës. Togefjalëshat e tipit “ja Amerika foli”, “Amerika e vulosi”,” Amerika di një gjë” , “Opozita diku e ka shklelur”, “Ramen e do Amerika” , “ti je me Ameriken apo kunder saj?” i ndesh në shtyp, në ekran dhe në tavolinë?!

Në fakt, qoftë gjuha që perdori i derguari Palmer, qoftë ajo e diplomateve si Leyla Moses-Ones, me parimet e demokracisë amerikane është tejet korrekte. Precedenti i djegies së mandateve dhe sidomos bojkotimi i zgjedhjeve lokale, janë shumë të rënda dhe bien si grusht në stomak për këdo. Logjikisht kështu do të duhej të ishte në çdo vend me demokraci normale.

Kur u miratua reforma në drejtësi u fol në media per biseda e mesazhe që Ambasada u dergoi deputetve të caktuar në menyrë që të siguronte voten e tyre pro duke i futur mes kulaçit dhe kërbaçit. Përceptimi qe, se po konsumohej një gjest amoral për një qellim të mirë. Në fakt do të kishte qënë sherbim i madh për pastrimin e politikes nëse Ambasada i publikonte dosjet e tyre sesa na la mbi kurriz deputet e politikan të shantazhueshem. Madje edhe kesaj here nëse do të kishte diçka për Opoziten shqiptare që nuk e dimë do të ishte sherbim i madh ndaj kesaj shoqerie dhe ketij kombi të na e thonë publikisht !Kesisoj qartesohemi edhe ne që mendojmë se opozita po bën gjënë e duhur. Megjithese veshtirë të besohet se në këtë vend ka forca politike apo politikanë të rangut të lartë që luftojnë kunder interesave amerikane.

Kur edhe Gramoz Ruçi sot e Fatmir Xhafaj dje janë bërë proamerikan të thekur kush dreqin ka mbetur tjeter në këtë vend pa ndryshuar bindje!! Madje Kryeministri e quante Trampin turpi i cilivizimit e sot te merr gjak në vetull për të, madje po i thahet gjuha teksa rend me lobues për ta takuar. Shqiperia ka një histori tragjike dhe paradoksale. Shumë kush është vrarë e persekutuar në këtë vend si “agjent” i amerikanëve pikerisht nga etërit jo metaforik por biologjik të këtyre tipave që drejtojnë mazhorancen e sotme, ndersa shumë prej pasardhësve të të vrarve akuzohen nga Gramozi me shokë si antiamerikan. Nejse, djemtë dhe cucat e rilindjes modern tek nuk ve teksa kruajnë mjekrrat spic dhe nishanet nën gushë mund të të akuzojnë për rënie në folklorizem!!

Por ne që jetojmë këtu e dimë që ka mosperputhje të deklaratave me realitetin. Të rriturit po e po e dinë që bota e krimit , paratë e trafikut, abuzimi me pushtetin dhe administraten ndikojnë fort në rezultatin e zgjedhjeve por edhe femijet që politika si lë të rriten të qetë.

Tanimë ky fakt rri sa gjerë gjatë në dosjet e prokurorisë! Pushteti në gjashtë vite e ka deshmuar qartë natyren e vet sunduese e tejet korruptive dhe jo qeverisese duke mos humbur asnjë rast për ta deligjitimuar opoziten, e perdhunuar atë ! Vitet e fundit duke asgjesuar Gjykaten kushtetuese, atë të lartë dhe kapur sistemimin e drejtësisë në menyrë kapilare i ka hequr asaj edhe mundesinë formale për tu ankuar ! Nderkombetaret nuk kanë bërë asgjë ose shumë pak për të nxjerrë opoziten nga gjendja e fasades ! U bë ligji i Dekrimanilizimit po kush i pengoi punetoret e kanbisit tu hynin zgjedhjeve qysh e tek jua lypte xhani? Ambasadat? Jo jo , askush!!

Ligji kesaj anë ka vlerë vetëm në letër për sunduesit.

Ata nuk kanë qënë në gjendje të japin asnjë garanci. Sistemi i gjymtuar jo e jo dhe të gjitha keto e shtynë opoziten të dalë prej tij ! Sistemi I kontrolluar nga një njeri, ai që do duhej të ishte struktura e demokracisë , po e vriste thelbin e saj duke asgjesuar garancitë dhe institucionet e ankimimit. Demokracia në Shqiperi ka nevojë të rithemelohet dhe jo ti kerkohet opozites të rikthehet në “ shtratin” e Edi Rames për ta perdhunuar përsëri.

Nga ana tjetër diplomatet i perserisin pa reshtur opozites të tejkalojë vetveten, të harrojë pse i dogji mandatet dhe të hyjë në zgjedhje lokale megjithëse e dinë që Kryeministri po i pret me “kobure” në dorë për ti “vrarë” perseri!

Pas këtij dimri të veshtirë ai e ka më të domposdoshme se kurrë një “fitore” të madhe !! Mendoni me çfarë kose ne dorë do tu ngjitej lendinave të ketij vëndi gjatë muajit qershor.

Ani i thonë, Bashes, shko e “vdis” aty po garanci nuk japin as edhe një. Nga ana tjetër ata nepermjet presionit verbal po ndihmojnë Edi Ramen të gjejë paterica dhe të sajojë opozitë të re. “Opozita e re” sot nuk është asgjë tjetër vetëm një departament i Rilindjes. Parlamenti aktual është tragjikomedi. Tek kjo perçapje shfaqet i mnershem dhe i tmerrshem vizioni që ka Kryeministri ynë dhe keshilluesit e tij për pluralizmin. Ndersa tek ata që kercenojnë se do të trajtojnë partitë e opozites si banda konturohet mundesia hipotetike për tu ndeshur me të gjithë ata që nuk e pranojnë këtë vizion domethënë me qytetaret! Egersia me të cilen arrestohen se janë mbeshtetes të opozites është fillimi i kësaj të vertete që rrezikon të dalë jashtë kontrollit drejt një perplasjeje civile.

Me djegien e mandateve dhe bojkotimin e zgjedhjeve lokale si rruga e vetme që I ka mbetur Opozites , Basha i ka hequr çdo kujt mundësinë e levizjes antisistem duke e pervetësuar atë po kaq i ka pamundesuar jeten politike cdo subjekti me karakter kinse opozitar. Me të mirat dhe të keqiat e veta tani Opozita reale gravon perreth aksit PD-LSI me aleatë ! Ajo duhet të vazhdojë transformin e brendshem të cilin e ka jetik pa rënë në kurthet e shumta që po i ngrihen ngamos. Dialektika politike e tre dekadave na meson se pesha e pushtetit abuziv zë nën vete arkitektet e saj.

Kur garancitë nuk na i japin dot të huajt tanimë të lodhur me ne per 30 vjet, është koha që ato ti prodhojë vetë shoqëria pikerisht ata “ banditet” që duan ti japin fund kesaj fasade korruptive.

Ndaj një lutje e kemi për zonjen Leyla Moses –Ones mos na kerkoni të pranojmë , ato gjera që në Amerike do të irritonin këdo , ato gjëra që do e çonin qytetarin tek interpretimi i asaj kushtetute madheshtore e cila në emër të lumturisë u lejon atyre të ngrihen kunder qeverisë teksa asnjëri prej nesh ketu nuk po kerkon lumturi, vetem pak normalitet e vertetesi, mundesi pë të hedhur një votë që numerohet në kushte lirie. Ndaj pasi degjon arsyet e qeverisë mirë është të takosh edhe “banditet” që tanimë qartazi janë më shumë se gjysma. “Banditë” të llojit të veçantë që kerkojnë demokraci me garanci ligjore ! Një sistem të ri politik.