Ish-kryeministri, Sali Berisha, ka folur në emisionin “360 Gradë” në RTV Ora për grabitjen e 6 milionë eurove në aeroportin e  Rinasit.

Ish-kryeministri tha se ngjarja po manipulohet përmes “të penduarit të rremë”, duke zbuluar edhe skemën sesi do të dilet në krye të kësaj historie.

Berisha: A e shihni ju se çfarë bëjnë këta për vjedhjen e shekullit? Çfarë manipulimi të paskrupullt me Alkond Bengasin, një gjysmë i droguar, një malavitë i zakonshëm, i cili është akuzuar njëherë për këtë punë. Tani akuzohet prapë sepse e mer përsipër. Ai merr 100 mijë euro, rri  nja 2-3 vjet në burg dhe rroga në burg i shkon shumë më lart se të ishte deputet në parlament. Tani del “Daja”, ky paska shkuar në Çerem për të varrosur Admir Murataj. Daja i vërtetë është vasalkimiku i kësaj vjedhje, Ministri i Brendshëm. Ndrikulla është ndrikull-Riformato, Elona Bici.

360grade.al