Konsolidimi i grushtit të shtetit sot arriti kulmin në KQZ. Ishte një akt i paprecedentë kur injorantë të Kushtetutës dhe administratorë të bëmave të Rilindjes marrin përsipër të gjykojnë një akt të Presidentit të Republikës kur mes tyre ka injorantë të nivelit të lartë që kanë dashur të ndryshojnë Kushtetutën me akte normative. Sjellja e nënkryetarit të KQZ, këtij dashnorit të tenderëve, jo vetëm që institucionale nuk ishte, por është e dhunshme mënyra dhe teksti që i shkon për shtat vetëm grupeve paramilitare.
Këto të fundit Rama ka kohë që i ka përgatitur, por ka një ndryshim që formate si ustallesha e doganave Spiropali dhe formate si ky Biba qejfliu i tenderëve Rama i ka me shumicë dhe i pëlqen.
Të gjithë e kemi te qartë  konotacionin e fjalës bibë ë jetën e përditshme por fatkeqësia e shqiptareve dhe e shtetit prej kartoni që ngriti Rama është se ka mbetur në dorë të bibave që i duket çdo jetë e jona pronë e Rilindjes. Është fatkeqësi shumë e madhe kur e ardhmja mbetet në dorë të bibave të tilla që sa më të lartë e kanë injorancën, aq më të madhe e kanë vjedhjen dhe zararin si dhe primitivizmin në të folur dhe të vepruar.