Para disa orësh shqiptarët morën lajmin e keq të mos hapjes së negociatave me Bashkimin Europian. Kjo nuk ndodhi për Maqedoninë. Në fakt ata ishin të bindur që BE nuk do të ia hapte derën Shqipërisë pasi më mirë se vet burokratët e Brukselit ata janë dëshmitarë të qeverisjes skandaloze të shkrirë njësh me krimin të Rilindjes. Më kot u munduan të lobonin sepse rezultatet janë te prekshme në Shqipëri për keq. Herë Rama dhe herë Tao Balla, ah, po harruam dhe Gramozin bënë një tur turistik më paratë e taksapaguesve shqiptarë në vende të ndryshme të BE, përfshirë këtu dhe Gjermaninë dhe Holandën gjoja për ti bindur për të votuar pro hapjes së negociatave e paraqitur gjasmë rezultatet e arritura ku holandezët dhe gjermanët e dinë dhe më mirë se në çfarë po ndodh në këtë vend përmes shërbimeve të tyre.
Çudia për shqiptarët është se për Ramën, Ballën negociatat na janë hapur që vitin e kaluar. Madje dhe kësaj here në turin turistikë Rama, Balla, Ruci na pohuan se ishte e sigurt që do të hapeshin negociatat pasi iua kishin konfirmuar ca burokratë në Bruksel.
Para pak ditësh Taulant Balla, duke folur për DË, konkludonte se negociatat do të hapen. Por këtë konkluzion, po Taulanti, e bazoi në një ngjarje që nuk kishte ndodhur ende e sot BE dhe Holanda i thane Jo Shqipërisë. Së pari, Taulanti na tha se “qeveria Gjermane ende nuk kishte një opinion zyrtar për çështjen e negociatave.
Kryeministri harroi se sado te flas Tao Balla tellalli i tij, lart e poshtë. Lëvizjet e Ramës dhe gjithë të besuarave të tij përfshirë këtu Tao Ballën nuk e binden dot faktorin ndërkombëtar sa duhet dhe qeveritë perëndimor që të votojnë pro hapjes së negociatave. Holanda e kishte paralajmëruar më rekomandimin për kthimin e vizave i cili mbërriti dhe zyrtarisht në Komisionin Europian si kërkesë. Sot Holanda vetëm sa ka zyrtarizuar vendimin që Shqipërisë nuk mund ti hapeshin dyert e BE sepse nuk është gati. Argumentet besohet ia kanë thënë dhe Rilindjes. Gjermania zyrtare dhe mediatike e ka certifikuar si hajdut Ramen dhe është për të ardhur keq se Rilindja përfundon tek Tao Balla, si njeriu i besuar i Ramës, që bën avokatin, servilin dhe këshilltarin e mençur. Sado që të tentojë ky njeri të kapë institucionet, ashtu siç i ka kapur një pjesë të madhe të tyre këto 6 vjet, ai kurrë nuk do të kapë e të mbajë peng të ardhmen e këtij vendi. Koha po punon mbrapsht për të dhe ora e gongut final po troket! Boll më me Ramen dhe Tao Ballë integrohemi deri në Librazhd.
