Jemi mesuar te shohim nje minute heshtje per humbjet njerezore, por po kalon 24 orë dhe PS vazhdon zinë e saj për humbjen e Rilindjes. 85% e shqiptarëve e braktisën dje Edi Ramën. I thanë jo arrogancës, dhunës, krimit elektoral, banditëve të votave, shantazhuesve që të "fluturojnë" nga puna po nuk i votove. Më 30 qershor Rilindja e dërgoi Partinë Socialiste në humnerën elektorale. Shqiptarët panë dje se si Edi Rama e renditi Partinë Socialiste në nivelin e 9% në Lezhë, 13% në Durrës, 11% në Shkodër, 17% në Elbasan, 20% në Tiranë. Pa zbritur nga këto shifra ato vota të pavlefshme që me urdhër nuk po bëhen publik nga KQZ.

Dje Rilindja vdiq! Funeralin e saj e shoqëroi sot raporti i OSBE/ODIHR i cili nuk na tha dot se zgjedhjet ishin të lira. Madje na tha se KQZ interpretoi një dekret që vetëm Gjykata Kushtetuese mund ta bëjë.

Pavarësisht nga çfarë e tronditi Rilindjen këto dy ditë, Partia Socialiste vazhdon të heshtë, asnjë reagim mbi deklaratat e ndërkombëtarëve apo skandalit të bymimit të fletëve të votimit teksa orët kalojnë.