Këtij kryeministri  ia kanë bërë të qartë kancelaritë perëndimore problematikën që ky njeri ka me parimet e  demokracisë me të cilat qeveriset një vend me krimin e organizuar dhe me çështjen e votës si parimi themeltar i demokracisë.

Të qartë ia bëri edhe kancelaria gjermane me 9 kushtet tërësisht të parealizueshme nga ky njeri.

Trumbetimi që vetë ai dhe megafonat e tij në ca portale që janë të gjithë janë baraz ERTV, i bën takimit të tij me kryeministrin grek Mitsotakis është një megalomani butaforie që reflekton tipin e vetë shefit të rilindjes.

Meqenëse nuk e presin dhe i kanë dhenë detyra shtëpie të parealizueshme diplomacia shqiptare dhe agjenda e këtij kryeministri është katandisur në një vrap nëpër sallonet e OKB-së për të kapur ndonjë takim dhe për t’ia shitur shqiptarëve që kanë mbetur brenda territorit.

Ja ku është Athina, 1 orë e 15 minuta me avion. Me charter të paguar kushedi se çfarë lekësh,  është më pak. Por Athina zyrtare dhe ky kryeministër ia ka bërë të qartë pjesën e  negociatave dhe dëmtimit të marrëdhënieve që Rama i ka bërë midis dy vendeve. Kjo diplomaci, me vrap nëpër sallone, nuk është gjë tjetër veçse izolimi i madh në këtë dimër të vetmuar. / REDAKSIONALE