Lajmet e 24 orëve të fundit që nga diskutimi në Bundestag për çështjen e negociatave dhe vizita e Ramës në Nju Jork ishin jo vetëm shprehje e izolimit, jo vetëm ia bënë të qartë që pa u dënuar krimi elektoral, pa gjykatë kushtetuese dhe pa prerë lidhjet me krimin e roganizuar nuk mund të ketë të ardhme, kishte edhe një fakt tjetër i cili është i rëndësishëm dhe duhet të theksohet.

Në kushtet e vendosura nga Bundestagu gjerman duhet të shkëpusim pak një fjali që është një e vërtetë e dhimbshme. Aty cilësohet që nëse nuk ka progres të dukshëm në këto kushte mund të anulohet procesi i negociatave.

Në 30 vite tranzicion dhe përpjekje për në dyert e Evropës, në asnjë dokument nuk gjendet kjo fjali. Është shkruar vetëm për Ramën dhe qeverinë e tij.

Ndërsa ky niset ne Nju Jork për të takuar Aleksandër Vuçiç dhe Mitsotakis që janë kryeministrat përkatësisht të Serbisë dhe Greqisë, shtete që me avion janë 1 orë e 15 minuta nga Shqipëria.

Dhe Aleksandër Vuçiç menjëherë pas takimit na u shpreh për një Shengen Ballkanik, dhe këtë e deklaroi Kryeministri i Serbisë pas takimit me Edi Ramën, i cili sa herë ka futur hundët  në çështjet e rajonit vetëm ka prishur punë dhe ka dështuar me turp.

Meqë Evropa ia përplasi në fytyrë 9 kushtet që zotëria i ka plotësisht të parealizueshme sepse as  nuk qeveris dot pa krimin dhe as nuk i dënon dot krimet elektorale që i denoncoi BILD.

Dhe tani na thotë ‘hajde ikim në Serbi dhe bëjmë një Shengen Ballkanik vetëm me Serbinë dhe Maqedoninë e Veriut. Ide e turpshme dhe qesharake.