Nga 1 korriku, Gjermani ka marrë kryesinë e radhës në Këshillin Europian. Përmes një mesazhi, ambasadori gjerman në Shqipëri, Peter Zingraf, shprehu prioritetet e Kryesisë gjermane të Këshillit të BE-së.

Zingraf deklaron se temë qendrore e Presidencës gjermane duhet të jetë përballimi i krizës së koronavirusit, por jo vetëm kaq.

Zingraf thotë se Gjermania gjatë presidencës, do të jetë pranë Shqipërisë me fjalë dhe me vepra.

“Më gëzon fakti që presidenca jonë ka qëlluar të jetë pas marrjes së vendimit nga ana e Këshillit për nisjen e bisedimeve të anëtarësimit. Kushtet e formuluara formalisht, të cilat ishin të papërcaktuara edhe në vendimin e Bundestagut, janë cilësuar në vend si një udhërrëfyes për kalendarin shqiptar të reformave.

Unë uroj shumë që institucionet shqiptare ti venë vetes objektiva ambicioze në zbatim të këtyre reformave.

Në mënyrë të veçantë kushtet, që duhen përmbushur përpara Konferencës së parë të anëtarësimit, janë thelbësore për vendin dhe do të duhej të ishin të zbatueshme në një periudhë të afërt kohore. Gjatë presidencës, Gjermani do të jetë pranë Shqipërisë me fjalë dhe me vepra. Pres me gëzim 6 muaj intensiv”, u shpreh Zigraf.

Mesazhi i Zingraf

“Sot, më 1 korrik, Gjermani merr përsipër për një periudhë 6-mujore kryesinë e radhës në Këshillin Evropian. Në rolin e motorit dhe moderatorit ne dëshirojmë që së bashku me institucionet evropiane dhe shtetet e tjera anëtare të forcojmë Evropën e ta çojmë përpara atë. Temë qendrore e presidencës sonë duhet të jetë përballimi i krizës së virusit korona.

Kancelaria federale ka thënë që kjo krizë është sfida më e madhe e Evropës që prej fillimit të historisë së saj. Objektivi ynë në këtë kontekst duhet të jetë për ta nxjerrë Evropën prej kësaj krize më të pavarur dhe më solidare. Vetëm duke vepruar bashkërisht në mënyrë të koordinuar dhe të vendosur do të mund të mpakim pasojat sociale dhe ekonomike të krizës.

Pikërisht në këtë kohë Evropa duhet të qëndrojë e bashkuar. Një Bashkim Evropian i fortë është në interes të Shqipërisë dhe vendeve të tjera të Ballkanit perëndimor. BE dhe shtetet e tjera anëtare e kanë mbështetur Shqipërinë dhe rajonin në përballimin e krizës ndër të tjera përmes dërgimit masiv të instrumenteve mjekësore ndihmëse apo përmes mbështetjes së grupeve vulnerabile.

LEXO EDHE Zgjedhorja, Opozita e Bashkuar: Rama t´i përmbahet angazhimit, të heqë dorë nga manovrat
Por ne do të vazhdojmë ta mbështesim Shqipërinë edhe rajonin, edhe në terma afatgjatë në funksion të zbutjes së pasojave ekonomike dhe sociale. Por presidenca jonë nuk do të jetë vetëm një presidencë e coronës. Bashkimin Evropian e presin shumë detyra, për zgjidhjen e të cilave presidenca gjermane dëshiron të japë një kontribut vendimtar.

Kështu ne do të përmbyllim jo vetëm krijimin e fondit të ringritjes prej coronës, por edhe planifikimi buxhetor afatgjatë të BE-së. E përtej kësaj ne duam të formësojmë më tej Evropën dhe megjithë krizën e Coronës dëshirojmë të hedhim piketa qendrore për kontinentin tonë, qoftë në konsolidimin e pavarësisë digjitale dhe teknologjike, qoftë në dakordësimin e objektivave ambicioze në mbrojtje të klimës, qoftë edhe në funksion të forcimit të vlerave bazë, sikundër është shteti ligjor, edhe brenda unionit.

Pjesë e të ardhmes së Evropës është edhe perspektiva evropiane e Shqipërisë dhe rajonit. Dhe ne dëshirojmë të nxisim më tej këtë perspektivë në kuadër të presidencës tonë si motor dhe moderator i saj. Më gëzon fakti që presidenca jonë ka qëlluar të jetë pas marrjes së vendimit nga ana e Këshillit për nisjen e bisedimeve të anëtarësimit.

Kushtet e formuluara formalisht, të cilat ishin të papërcaktuara edhe në vendimin e Bundestagut, janë cilësuar në vend si një udhërrëfyes për kalendarin shqiptar të reformave. Unë uroj shumë që institucionet shqiptare ti venë vetes objektiva ambicioze në zbatim të këtyre reformave.

Në mënyrë të veçantë kushtet, që duhen përmbushur përpara Konferencës së parë të anëtarësimit, janë thelbësore për vendin dhe do të duhej të ishin të zbatueshme në një periudhë të afërt kohore. Gjatë presidencës, Gjermani do të jetë pranë Shqipërisë me fjalë dhe me vepra. Pres me gëzim 6 muaj intensiv”, tha Zigraf.