“Zëri Amerikës” për dekretin e Presidentit Meta në lidhje me koncensionin e aeroportit të Rinasit

Diel, 28 February 2021 09:15

 

Nga Zëri Amerikës-

 

Ndër të tjera VOA thotë se “Në Tiranë, presidenti Ilir Meta i kërkoi parlamentit të hedhë poshtë si anti-kushtetues shtesën e fundit në ligjin për koncensionin e aeroportit “Nënë Tereza”.

Zoti Meta tha se me këtë ligj u zgjat pa garë dhe pa transparencë edhe me 15 vjet të tjera afati i shfrytëzimit të aeroportit.

Tiranë: Meta kthen në Kuvend ligjin për koncensionin e aeroportit
Presidenti Meta ktheu për rishqyrtim në parlament si anti-kushtetues ligjin për ratifikimin e një ndryshimi të marrëveshjes së koncesionit për Aeroportin Ndërkombëtar “Nënë Tereza”.
Presidenti Meta deklaroi përsëri sot se ai ligj bie ndesh me parimet e Kushtetutës, anashkalon të gjithë kuadrin ligjor në fuqi dhe është një tjetër provë flagrante e “korrupsionit legjislativ” dhe kapjes së shtetit.

Qeveria e miratoi këtë ligj me një vendim në fund të janarit dhe pas pak ditësh e dërgoi në parlament, ku hyri në shqyrtim të komisioneve brenda ditës dhe u miratua pas pak ditësh.

Sipas presidentit Meta kjo marrëveshje e bërë me nxitim, pa konkurs dhe pa transparencë, zgjat me 13 vjet afatin e koncensionit të Aeroportit të Rinasit nga 22 vjet në 35 vjet.

“Kuvendi duhet të kërkojë vënien para përgjegjësisë të çdo funksionari publik, që ka konsumuar shkelje të Kushtetutës dhe të ligjit përgjatë procedurave të ndjekura, të vlerësimit të propozimeve, negocimit, e deri te hartimi, nënshkrimi i kontratës dhe servirja për miratim me ligj, të kësaj marrëveshjeje shtesë koncesionare, që haptazi është në dëm të interesit publik, shtetëror dhe kombëtar” – tha ai.

Zoti Meta i tregoi shtypit 43 faqe me argumentat ligjore për shkeljet kushtetuese të ligjit për koncensionin e Rinasit dhe ftoi deputetët të mbrojnë interesin publik dhe kombëtar të shtetit shqiptar dhe të shtetasve të tij.

“I bëj thirrje çdo deputeti dhe çdo zyrtari të lartë të administratës, të reflektojë me shumë përgjegjësi mbi këtë nismë dhe të respektojë Kushtetutën e Shqipërisë dhe ligjet e vendit, që janë në zbatim të saj, duke e paralajmëruar njëkohësisht se për çdo vepër penale të konsumuar, gjithçka po mbahet shënim dhe nuk do të ketë kurrë amnisti, por vetëm drejtësi” – tha zoti Meta.

Qeveria nuk ka pranuar të bëjë komente mbi deklaratat e presidentit të Republikës lidhur me zgjatjen e koncensionit të aeroportit Nënë Tereza.

Ajo miratoi në fund të janarit kalimin e aeroportit tek një kompani shqiptare, nga e cila pritet një ulja e çmimeve të udhëtimit. Kur kanë ngelur edhe 6 vite për të përfunduar kontrata e parë e koncesionit, qeveria i shton kësaj edhe 13 vite të tjera afat deri në vitin 2040

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...