Nga Myteza Ulqinaku

Unë i njoh shumë mirë drejtuesit e PD-së dhe të ish qeverisë për aftësitë drejtuese dhe organizative si dhe ambicien e tyre personale në drejtim të karrigeve të tyre të humbura, por nuk është koha për t’i përmendur.

Disa prej tyre i dëgjojmë shpesh në intervistat televizive sesi fajtori kryesor i humbjes së zgjedhjeve kryetari i PD Lulzim Basha. Po ju pyes juve zonja dhe zotërinj se kush nga ju do të drejtonte më mirë dhe më fort se kryetari aktual.

Ne anëtarët e viteve të para të themelimit të PD-së mendojmë se kryetari aktual, me argumentet bindëse lufton mazhorancën e sotme? Unë kam qenë kryetar i grupit të PD-së në zonën e Lezhës. A ishit ju zonja dhe zotërinj dje në qeverisje kur u mbyllnit portën hallexhinjve. A nuk vinit ju nëpër poste njerëz pa kulturë, pa dinjitet dhe të pandershëm? A nuk krijuat ju një mllef kaq të madh dhe nuk kërkoni asgjë në ndërgjegjen tuaj?

Mos shpresoni se këshilli kombëtar i PD-së do të miratojë ambicien tuaj për poste dhe karrige të humbura. Lëreni dhe ndihmojeni kryetarin e PD-së që në zgjedhjet e ardhshme të dalim të bashkuar dhe të luftojmë për fitoren e tyre.