Pas lajmit për rivendosjen e tarifës së kalimit në Rrugën e Kombit, kanë ardhur reagime zyrtare nga këshilli bashkiak në Kukës si dhe nga kryetari i Bashkisë së Tropojës.

Kryetari i degës së PD-së dhe kryetar i këshilltarëve të djathtë në Këshillin Bashkiak të Kukësit, Arif Rexhmati, ka thënë se taksa zero nuk negociohet.

‘Lajmi për rivendosjen e taksës provokues dhe dashakeq. Taksa zero është e panegociueshme.

Rama duhet t’i kthejë përgjigje Këshilltarëve të Kukësit, Hasit e Tropojës për peticionin lidhur me kërkesën për takes zero dhe lirimin e katër kuksianeve.

Rama duhet të takojë grupet e interesit. Në organet e hetuesisë dhe prokurorisë së Kukësit personave që janë me detyrim paraqitje u kërkohet me ngulm të firmosin fajësinë e tyre duke qenë të pafajshëm.

Shkelje e hapur e të drejtave të njeriut. Thirrje qeverisë të mos e provokojë për së dyti Kukësin.

Rama të mos gabojë për së dyti me Kukësin sepse përgjigja e kuksianëve nuk do të jetë e këndshme.

Këshilli Bashkiak i vendosur në kërkesën për taksë zero në Rrugën e Kombit.”-është shprehur Rexhmati.

Kryetari i Bashkisë Tropojë, Besnik Dushaj ka thënë për Fax Neës se Tropoja nuk do të pranojë asnjë tarifë kalimi në këtë rrugë.

‘Tarifë zero për banorët e Tropojës’-është shprehur kryebashkiaku.