Kryeministri i vetëm prej rënies së diktaturës, që nuk ka një bilanc të punës së tij në raport me qytetarët është Edi Rama. Në mungesë së veprave të kryera shefi i ekzekutivit shqiptar përdor çdo ditë median e vënë nën kontroll me mjetet që ai i di mirë, me qëllim për të bërë propagandë, për të shpikur arritje të qeverisë, si dhe aty ku nuk ka porositë jepen të dalin armiqtë si në kohën e qoftëlargut babait shpirtëror të tij Enver Hoxhës.

Si dikur Enveri, sot Rama paturpërisht ka nisur një tur të cilin e ka quajtur “Turi i llogaridhënies” dhe shfaqet gjoja gju me gju me popullin për të dëgjuar hallet dhe problemet me të cilat ata përballen. Në fakt Ramën nuk ka kush e dëgjon, veç armatës së militantëve dhe ato në pakësim si dhe administratës së urdhëruar për të qenë aty ku shkon kryeministri askush tjetër nuk është i interesuar të dëgjojë pallavrat e tij.

Si çdo ditë, as sonte Edi Rama nuk ia kurseu shqiptarëve daljen në ekranet televizive,

duke ndotur ekranet dhe ndërkohë transmetimi Live çon në harxhimin dhe paratë e shqiptarëve.

Por edhe pse një turrë njerëzish nën kontroll të sjell aty me urdhër partie sërish Ramën e shohim të gjindosur i cili acarohet më anëtarët e partisë së tij të cilët i kërkojnë llogari, i thonë të lëviz duke e krahasuar me një ujë të qelbur duke i kërkuar të bëj ndonjë punë dhe të iu shërbejë qytetarëve.
E për rrjedhojë kryeministri e humb shpesh toruan, nevrikoset, nuk ju jep fjalën qytetarëve, iu heq atyre, i ofendon. Ky është absolutisht një tregues i qartë i faktit që Edi Rama është izoluar, turi i tij nëpër Shqipëri është një monolog pasi nuk ka kush ta dëgjojë Ramën sepse ai nuk ka çfarë të thotë!