Gati në fshehtësi të plotë, ku vetëm pak njerëz e dinin ardhjen e tij, ministri i Finacave dhe Ekonomisë Arben Ahmetaj ka mbërritur në Kukës në një takim me dyer të mbyllura më një përafqësi biznesi të zonës. Më shumë se të shpjegojë skemën e re të TVSH-së, Ahmetaj po futet si “lakmus” për të kuptuar reagimin e qytetarëve të Kukësit, pas revotës së 31 marsit në tunelin e Kalimashit, ku protestuan dhunshëm pas vendosjes së taksës së rrugës.

Për më shumë se një orë, Ahmetaj mbajti referim të gjatë ditën e djeshme për nismën e re të futjes në skemën e TVSH-së edhe të biznesit të vogël. Por ky shpjegim i gjatë, i mbushur edhe me mashtrime dhe trillime branda, duket se nuk ka mjaftuar dhe Ahmetaj ka marrë urdhër që të dalë një herë nga Kukësi… Për të shmangur ndonjë incident të mundëshëm, takimi është mbajtur i fshehtë dhe për ardhjen e tij janë lajmëruar një pjesë e biznesmenëve të vogël i konideruar si “tarafi i qeverisë”.

Tashmë i takon Ahmetajt me formim bazë “mësues anglishteje” për t’i mbushur mendjen biznesit të vogël se nuk do të ketë asnjë pasojë finaciare për biznesmenët e vegjël që mezi mbajnë familjen me ato pak të ardhura që sigurojnë. Por mbërritja e Ahmetajt në Kukës duket se ka dy motive të Ramës: Së pari për të kuptuar si do pritej ministri i tij në këtë anë e cila mban ende ndezur revoltën popullore dhe së dyti, të përçajë biznesin e vogël. Duke kryer takime me të përzgjedhurit e tyre, duhet të bëhet gjithçka që të ngjajë sikur biznesi i vogël do e pranojë futjen në skemën e TVSH-së.

Nga ana tjetër Rama synon që edhe revoltën popullore ta sfumojë duke i dhënë ngjyrime politike. I ndodhur në një situatë tensioni ku pakënaqësia popullore është në nivelin e saj maksimal kryeministri po luan taktikisht për të fituar kohë dhe sfumojë reagimin masiv.