Ish-presidenti Bujar Nishani ka komentuar mbledhjen e të dhënave personale që po bën qeveria Rama ndaj shqiptarëve. Nishani shkruan në faqen e tij në Facebook, se qeveria po përdor shkollat e spitalet për të mbledhur këto të dhëna. Sipas ish-presidenti gjithçka bëhet me një synim të qartë: Manipulimin e zgjedhjeve.

“Qeveria shqiptare urdhëron marrjen e të dhënave personale të shqiptarëve duke përdorur shkollat dhe spitalet. Qëllimi: manipulimi i zgjedhjeve ! Një skandal që nuk mund të ndodh në asnjë vend normal.

Bota demokratike duhet ta dënoj këtë praktikë autoritariste. Veproni tani”, shkruan ish-presidenti Bujar Nishani.