Ura mbi lumin Seman është përfshirë nga flakët pasi një person ka qenë duke djegur mbeturina në tokën e tij, por situata i ka dalë jashtë kontrollit. Për pasojë fshatrat Belinë dhe Kallm mbetën pa urë kalimi.
Sipas njoftimit të policisë bëhet fjalë për 47-vjeçarin Mentor Hatia.
“Ndalimi i këtij shtetasi u bë pasi duke djegur mbeturina te toka e tij, ka djegur edhe urën me pasarela e cila kalonte mbi lumin Seman dhe lidhte fshatin Belinë me fshatin Kallm”, njofton policia e Fierit.
Materialet i kaluan Prokurorisë pranë Gjykatës së Shkallës së Parë Fier për veprën penale “Shkatërrimi i pronës me zjarr”.
