Ditën e sotme Erion Veliaj ftoi artistët në një dëgjesë për Teatrin Kombëtar.

Pas përplasjes që pati me Veliajn, aktori Neritan Liçaj braktisi dëgjesën.

I ftuar në studion e FaxNews, Liçaj tha se nuk mund të qëndronte në dëgjesë dhe u largua pasi nuk është dakord me projektligjin për teatrin. “Unë nuk jam dakord me projektligjin, nuk jam dakord me A-në, atëherë pse duhet të rri të merrem më Zh-në. Unë nuk jam dakord, një pjesë e jona nuk është dakord, ndaj dhe u largova’’, tha ai.

Në lidhje me akuzat e kryebashkiakut Veliaj se merr urdhra nga opozita, Liçaj e mohoi kategorikisht.

“Unë do doja shumë që Veliaj të nxirrte komunikimin tim me deputetët e PD-së, a ku di unë. Unë kam kërkuar dhe kërkoj infrastrukturë dhe sa më shumë fonde për artin, këtë ja kam kërkuar dhe qeverisë Berisha dhe qeverisë Rama.

 Erioni e di shumë mirë këtë, dhe nuk më drejtohet mua. Nëse më gjendet një komunikim mua me deputetë të PD-së atëherë unë do i kërkoj falje Erion Veliajt dhe publikut. Unë as kam marrë urdhra as nga PD-ja as nga PS-ja.

E vetmja gjë që unë kërkoj është një platformë më e mirë për aktorët dhe këtë ia kam thënë çdo qeverie e cila ka ardhur në pushtet, Berishës, Nanos, unë e kam ngritur gjithmonë zërin tim modest’’.

Në lidhje me pyetjen se çfarë kërkojnë konkretisht aktorët, Liçaj tha:

“Nuk më takon mua të them, se çfarë duhet, por hapi i parë është hapja e një bisedimi shumë njerëzor dhe shumë qytetarë”.

Ai tha se nuk do të pranonte ndërtimin e një teatri të ri.

 “Mos të preket prona publike, ti nuk mund të japësh dikujt kaq metra, nuk më intereson. Mos të preket më ai territor publik’’, përfundoi ai. /faxweb