Prokurorja e Përgjithshme e Shqipërisë, Arta Marku do t’i nënshtrohet procesit të vetting-ut. Marku do të dalë përpara trupës gjykuese të Komisionit të Pavarur të Kualifikimit të martën e 3 korrikut.
Trupa gjykuese që do shqyrtojë dosjen e Arta Markut përbëhet nga Genta Tafa (Bungo), Pamela Qirko, Suela Zhegu.
Marku u zgjodh në krye të Prokurorisë së Përgjithshme pa iu nënshtruar më parë procesit të vetting-ut, ndonëse diçka e tillë kërkohej nga ligji. Ajo mori vetëm votat e mazhorancës në seancën e tensionuar në muajin dhjetor, ndërkohë që opozita e kundërshtoi ashpër.
