Që Edi Rama është në një situatë të vështirë pas vendimit të Bashkimit Evropian për mos hapjen e negociatave kjo është e qartë.

Prej dy ditësh flet përçart. Në fillim urdhëroi të gjithë ushtarët e tij që të hapnin shishet e shampanjës, të gjithë për një qëllim, t’i hedhim hi syve shqiptarëve se gjoja negociatat u hapën dhe Shqipëria tanimë hodhi një hap para drejt BE.

Por sot në Kuvend e tradhtoi vetja. I nxirë, nga foltorja e Kuvendit fajësoi opozitën se e paska penguar Shqipërinë me të gjitha mënyrat, duke bërë gjithçka, që vendi të mos merrte shqiptarët.

Por në fakt nëse negociatat u hapën dhe të gjithë duhet të festojmë për cilin dëm duhet akuzuar opozita? Tani negociatat u hapën apo opozita me rolin e saj i shtyu?

Kryeministri ynë ose nuk është i qartë me veten e tij se çfarë ka ndodhur me negociata, ose e vërteta qëndron tek fakti se Rama e di që nuk ka më shpresa dhe vazhdon të bëjë atë që ai di më mirë, pra vazhdon të mashtrojë qytetarët shqiptarë duke i thënë se ato do të hapen vitin tjetër.

Dilemës se ku qëndron e vërteta Kryeministri mbase nuk i përgjigjet dot. I duhet kohë për të dalë nga kjo situatë e rëndë, kohë të cilën nuk ka për ta pasur. Shqiptarët nuk do ia japin këtë luks

Por Edi Rama pretendon se negociatat janë hapur, edhe pse BE u shpreh qartë se do të jetë qershori i vitit tjetër që do të përcaktojë se do të nisin negociatat me Shqipërinë.

Ajo çfarë të bën përshtypje është se Edi Rama nga njëra ana thotë se negociatat janë hapur ndërsa nga ana tjetër, pretendon se është opozita që po pengon Shqipërinë drejt integrimin evropian. /55news.al/