Deputetja Albana Vokshi, në një deklaratë në selinë e Partisë Demokratike, ftoi edhe një herë qytetarët të mblidhen nesër paradite në orën 10:00 për të protestuar në mbrojtje të Teatrit Kombëtar para Kuvendit të Shqipërisë.
“Pushteti i korruptuar i Edi Ramës po prish sot Teatrin Kombëtar dhe nesër do të synojë Galerinë e Arteve, pastaj qendrën historike.
Por, Teatrin Kombëtar nuk e preku as tërmeti i fuqishëm i ditës së sotme, shenjë kjo që ne nuk duhet të lejojmë të preket nga babëzia, teatri dhe prona publike, nga korrupsioni i pushteti i oligarkëve”, tha ndër të tjera Vokshi.
