Nënkryetari i Partisë Demokratike, Edi Paloka, akuzoi dhe një herë tjetër mazhorancën dhe Edi Ramën se manipuloi në mënyrë skandaloze votimin e fundit në parlament të ligjit për shembjen e Teatrit Kombëtar.
Në një intervistë për televizionin “News 24”, Paloka theksoi se Vangjel Tavo rezulton se ka votuar ndërkohë që nuk ka qenë fare në parlament, madje as në Shqipëri. Ky votim tregon faktin se mazhoranca ka manipuluar votimin brenda Parlamentit.
“Duke parë seancën e fundit në votimin për ligjin që shkatërron Teatrin Kombëtar, që i fal pronën publike Edi Ramës, nuk i mjaftoi ky akt që shkelet Kushtetuta, por u manipuluan votat para parlamentit. Rama është bërë ekspert kriminalist dhe përgjimesh. Parlamenti ka një fakt. Vangjel Tavo rezulton që ka votuar, ndërkohë që nuk ka qenë fare në parlament”.
