Ish-kryeministri Sali Berisha ka reaguar ditën e sotme lidhur me sulmet që SHBA, Britania dhe Franca kanë ndërmarrë kundër regjimit të Assadit në Siri.
Përmes një statusi në profilin e tij në Facebook, Berisha thotë se sulmi ishte i merituar, duke parë se çfarë regjimi ka vendosur Assadi.
Po ashtu, Berisha ka theksuar se qëndrimi I Rusisë, që kundërshton këto sulme, provon se është vendosur ne anën e lige te historisë.
“Nje sulm i merituar dhe per t’u pershendetur i aleateve kryesor perendimor; SHBA, Britanise se Madhe dhe Frances kunder diktatorit Bashar al Assad, Sadamit te ri te Lindjes se Mesme, qe gazon popullin e tij. Rusia provon se eshte vendosur ne anen e lige te historise! Sb”, thotë Bersiha.
Sulmi i SHBA, Anglisë dhe Francës erdhi pas përdorimit të armëve kimike nga Assadi, ndaj popullsisë vendase.
/55News.al/
