Deputetja e PD-së, Jorida Tabaku në deklaratën e dhënë për mediat tha se qeveria e Edi Ramës është kampione në Evropë përsa i përket vjedhjes së taksave së qytetarëve.

PD publikoi të dhënat e gjykatës Evropiane të auditimit  tregojnë se 30% e tenderave në qeverinë Rama jepen përmes metodës korruptive.

Sipas Tabakut, rishikimi i ligjit të koncensioneve dhe ligjit të prokurimit publik, për të siguruar një konkurrencë të lirë në treg do të jetë prioritar.

Nga fjala e Tabakut:

“Qeveria e Edi ramës është kampionë në Evropë përsa i përket vjedhjes së taksave së qytetarëve të saj. Ajo vjedh 1/3 e taksave të shqiptarëve përmes tenderave publikë. Kjo është arsyeja pse rama rriti taksat.

Të dhënat e gjykatës Evropiane të auditimit  tregojnë se 30% e tenderave në qeverinë Rama jepen përmes metodës korruptive të negocimit pa shpallje.

Korrupsioni në nivelet më të larta të qeverisjes është pengesa kryesore për procesin e integrimit.

Që qeveria e Edi Ramës u konfirmua edhe nga ky raport i fundit i DASH që thotë se Edi Rama shantazhin bizneset e huaja që të lidhen me klientët e tij.

Rishikimi i ligjit të koncensioneve dhe ligjit të prokurimit publik, për të siguruar një konkurrencë të lirë në treg do të jetë prioritar, së bashku me ligjin antimafia që do të kthejë tek shqiptarët çdo qindarkë të vjedhur nëpërmjet krimit dhe korrupsionit qeveritar.”