Deputetja e Lëvizjes Socialiste për Integrim, Klajda Gjosha, ka përshëndetur deklaratën e Ministrit të Shtetit për Evropën në Gjermani, Michael Roth, mbi çështjen e kufijve ngritur mes Kosovës dhe Serbisë.
Përmes një postimi në “facebook”, Gjosha shkruan se vizioni i Europës është një bashkëjetesë mes kulturave e traditave pa mure e kufij.
Postimi i plotë:
Dëshiroj të përshëndes deklaratën e Ministrit të Shtetit për Evropën në Gjermani, Michael Roth, mbi çështjen e kufijve ngritur mes Kosovës dhe Serbisë. Vizioni Evropian është në realitet ai i bashkëjetesës mes kulturave dhe traditave të ndryshme pa mure dhe pa kufi. Çdo përpjekje për ridizenjim kufijsh është përpjekje për të shkatërruar të ardhmen evropiane të rajonit tonë!
