Presidenti, Ilir Meta ka pritur sot Zëvendës Ndihmësen e Sekretarit Amerikan të Shtetit, Elisabeth Millard.

Meta dhe Millard gjatë bisedës së zhvilluar në Presidencë kanë vlerësuar rëndësinë e ecurisë së reformave për të forcuar shtetin e së drejtës

Presidenti Meta ka nënvizuar se Shqipëria është e vendosur në përmbushjen e detyrimeve që burojnë nga dokumenti i Partneritetit Strategjik Shqipëri-SHBA

Më pas biseda është përqendruar në zhvillimet në rajonin e Ballkanit Perëndimor. Presidenti i Republikës ka theksuar rëndësinë e finalizimit të dialogut Kosovë-Serbi përmes marrëveshjes

“Marrëveshja Kosovë-Serbi garanton perspektivën europiane, konsolidon bashkëjetesën ndëretnike dhe paqen në rajon”, tha Meta.

Duke diskutuar mbi referendumin në Maqedoni Presidenti i Republikës dhe Zëvendës Ndihmësja e Sekretarit Amerikan të Shtetit, Elisabeth Millard, theksuan rëndësinë e suksesit të këtij referendumi i cili i jep një shtysë të madhe të ardhmes europiane të të gjithë rajonit.