Lulzim Basha, tha se e vetmja mënyrë për të rrëzuar Ramën nga pushteti, është duke i shembur të gjitha shtyllat që e mbajnë atë në pushtet. Sipas tij me vettingun në politikë dhe plani antimafia, opozita do ja dalë që të rrëzojë krimin në pushtet.

‘Që të largojmë Ramën, duhet të shembim të gjitha shtyllat që e mbajnë atë në pushtet, që janë kriminelët dhe oligarkët. Ne duhet të shkatërrojmë sistemin, që janë vettingu politik dhe plani antimafia, që mos lejojmë që taksat e shqiptarëve të merren nga një grup njerëzish’, tha Basha.

Sipas tij vettingu në politikë, synon largimin e të gjithë banditëve nga pushteti.

 ‘Shqiptarët e mbajnë mend fare mirë se Rama në parlamentin e kaluar futi brenda njerëz pa asnjë lidhje me politikën dhe PS-në, por erdhën aty sepse me paratë e pista dhe me bandat kriminale i dhanë votat në 2013-të. Një pjesë e mirë e tyre, Ndoka, Frroku, Prenga, Rroshi etj, vinin nga grupe kriminale të organizuara. Këta njerëz pak muaj pasi erdhën në psuhet filluan të diktojnë gjithçka. Shkuam në bojkot parlamentar, pas përleshjes në kuvend. Pas 6 muajsh me ndërhyrjen e amerikanëve, miratuam ligjin për dekreminalizimin, ky ligj ka larguar mbi 300 zyrtarë të lartë dhe politikanë të inkriminuar. Por çfarë ndodh sot? Duke qenë se ky ligj u bë pengesë për përfaqësinë e grupeve kriminale në Kuvend ata e dhanë me konçension. Ata afruan njerëzit dhe të afërmit e tyre në parlament.  Pse ka nevojë për vettingun në politik, sepse marrëdhënia mes politikës dhe krimit ka ndryshuar, nuk janë më banditët por përfaqësuesit e tyre në Kuvend. Taulant Balla ëhstë këtu. Ne jemi në kushte kur Ministri i Brendshëm ka vëllain trafikant droge, i cili u ekspozua nga kolegu juaj, duke thënë se kontrollonte trafikun e drogës në Vlorë. Fatmir Xhafa ndërhyri sërish edhe në lojërat e fatit për të ndihmuar të vëllanë. Ke rastin e Ballës që del dhe thotë se e ka mik familjeje anëtarin e bandës së Leshnjes, i cili fiton miliona euro nga tenderat’, u shpreh Basha në emisionin ‘Të Pa-ekspozuait..