Regjia propagandistike e Ramës, e lodhur me pamjet e njëjta nga selia e Këshillit të Ministrave, në të cilat lëpinte qytetari i përzgjedhur kryeministri, dëgjonte ky i fundit, etj, kishte vendosur sot që estradën “për Shqipërinë që duam” ta zhvendoste në tavolinën ku zhvillon mbledhjet Këshilli i Ministrave. Skenaristi i estradës, regjisori i saj, kishin menduar që të ulnin popullin në tavolinën e ministrave, ndërsa këta të fundit të bënin një hap prapa si dëgjues. Bënte përjashtim, vetëm “kryeshërbëtori” Edi Rama, i cili qëndronte në të njëjtin vendo, por edhe midis njerëzve të thjeshtë. Ministrat qëndronin si të hutuar prapa qytetarëve, aftësia e të cilëve për të përçuar deri në fund regjinë propagandistike e Ramës ishte jo në nivelin e kërkuar. Rama çdo javë shfaq të tillë estradë. Ai nuk di se shteti qeveriset me ligje e jo me estradë. Shteti ndëshkon me ligje, e jo me shfaqje apo me orekse ministrash.  Duke dashur të krijonin një gjetje të re, estrada e radhës ishte më e mjeruar se kurrë. Kryeaktori dhe ata të passkenës nuk gjetën gjë këtë herë.