Zëdhënësja e Partisë Demokratike, Ina Zhupa, ka marrë pjesë në protestën e banorëve të Laprakës, të cilët kundërshtojnë prishjen e fushës sportive.

Përmes një statusi në ‘Facebook’, Zhupa thotë se PD mbështet banorët, ndërsa shprehet se Erion Veliaj po betonizon Tiranën. PD shprehet se në vend të fushës sportive që ka 70 vite do ndërtohen pallate.

Postimi i plotë:

Sot ne mbeshtetje te banoreve te Laprakes, te cilet kishin dale per te protestuar per te vetmen hapesire sportive publike qe ka zona prej me shume se 70 vitesh. Banoret jane thellesisht te revoltuar dhe nuk do lejojne kete betonizem ne emer te pasurimit te klienteve te Veliajt. Sot ata perzune fadromat dhe deputetin e maxhorances Ulsi Manja, i cili erdhi per ti mbushur mendjen qe sa mire do behet kur te prishet fusha (video tregon momentin qe debojne Ulsi Manjen)

Betonizimi qe Veliaj po i ben Tiranes eshte masakrues ne cdo drejtim per jeten e qytetareve. Rasti i Laprakes eshte vazhdimesi e prishjeve te hapesirave publike, sportive dhe clodhese ne qytet per tju hapur rruge pallateve. Si ndodhi tek Kompleksi Dinano, tek parku i autobusave, te 7 xhuxhat. Nje histori e perseritur betoni.

Ne do ju qendrojme ne krah banoreve qe mos lejohet prishja e kesaj hapesire jetike per banoret e Laprakes. Banoret tregonin futbollistet nder vite qe ishin stervitur dhe kishin dale nga ajo fushe e Laprakes, tregonin historite e tyre, te prinderve te tyre dhe te femijeve te tyre. Shkollat rreth e qark kryejne oren e fiskultures aty. Trajner femijesh kryejne stervitje cdo mbasdite me mbi 100 femije qe e frekuentojne futbollin. Nje komunitet i tere eshte i lidhur dhe e ka te nevojshme ate hapesire publike sportive. Bashkia ka per detyre ti sherbej qytetareve, jo tju rrembej hapesirat mbi 70 vjecare publike.