Është riorganizuar plotësisht dega e PD në Maliq. Bazuar në udhëzimin e kryetarit të PD Lulzim Basha është votuar për zgjedhjen e kryetarëve të seksioneve dhe grupseksioneve si dhe kreun e degës së Partisë. Në fund të procesit zgjedhor si kryetar i degës Maliq është votuar Donald Kulla.
Në rrjetin social FB, kreu i degës së PD, z.Kulla shkruan: -“Te dashur miq demokrate dhe banore te Bashkise Maliq! Ndjehem krenar dhe i vlerësuar për besimin qe me jepni për drejtimin e Partisë Demokratike Dega Maliq. Me besimin qe me keni dhënë se bashku sapo kemi nisur rrugëtimin drejt fitores se Partisë Demokratike. Kemi pasur shume sfida se bashku. Jemi përballur me arrogancën e pushtetit te cilën e kemi përballuar me sukses,jemi përballur me uzurpimin e pushtetit lokal ne çdo cep te bashkise, por forca dhe vullneti i demokrateve do ti japë përgjigjen e merituar çdo individi qe ka abuzuar mbi te drejtat e tyre. Falënderoj çdo demokrat dhe banor te bashkise qe na ka besuar dhe beson tek Partia Demokratike si e vetmja shprese për te ndryshuar te ardhmen e çdo banori te bashkise Maliq. Me besimin qe me keni dhenë dhe vullnetin tuaj do shkojmë te sigurt drejt fitores se Bashkise Maliq. Falënderoj gjithë anëtaret,drejtuesit e strukturave,simpatizantët dhe banoret qe besojnë tek Partia Demokratike për mbështetjen e tyre. Besimin tuaj do ta kthej ne pune dhe përkushtim drejt fitores se bashkise Maliq. Se bashku drejt fitores! Ju falënderoj përzemërsisht”