Edi Rama dhe qeveria e tij kanë ndërmarrë dy ligje, të cilat sipas Partisë Demokratike përbëjnë paketën e censurës së mediave, të ashtuquajturën “paketë antishpifje”.
Për PD-në këto dy ligje janë antikushtetuese dhe të rrezikshme.
Ka qenë deputetja e PD-së, njëherazi kryetare e Komisionit të Medias, Albana Vokshi, e cila deklaroi se ‘ Arkitekti i shpifjes dhe mashtrimi, ka urdhëruar ndërhyrjen në ligjin për komuniktet elektronike dhe në ligjin për mediat audiovizive në mënyër që të mbyllë ato që i zbulojnë lidhjet me bandat kriminale.
