Kreu i degës së PD, Vlorë, Genc Deromemaj, ka reaguar sa i përket mënyrës skandaloze se si bashkia Vlorë përkujton Ismail Qemalin. Përmes një statusi në FB, Deromemaj thotë se pushteti vendor në qytetin ku Ismail Qemali shpalli pavarësinë e Shqipërisë këtë përvjetor e ktheu në një festë private për eksponentët e të majtës!

Ja statusi i Genc Deromemajt në FB
“Ditën e përkujtimit të njeriut që i bashkoi shqiptarët për Pavarësinë e Shqipërisë, Bashkia e Vlorës e kthen në një festë private të së majtës.
Asnjë ftesë zyrtare për PD.
Asnjë ftese zyrtare për pasardhësit e familjeve të vjetra të Vlorës, që kontribuuan bashkë me Plakun e Mençur për Bashkimin e të Gjithëve, për Pavarësinë e Vendit.
Është kjo një politikë përçarëse e bashkisë së majtë të Vlorës, një politikë e cila e ka karakterizuar të majtën shqiptare gjatë gjithë historisë së saj.
Është një politikë konstante denigruese ndaj atyre që vërtet kanë bërë historinë e këtij vendi.
Kjo që ndodhi sot, është një akt i rëndë qytetar, që vetëm një mentalitet i mbrapshtë i drejtorit të bashkisë Leli, mund ta kryejë.
Njerëz si ai, e bëjnë pis Veprën e Ndritur për Bashkim të Ismail Bej Vlorës”.