Deputeti i Partisë Demokratike Xhemal Gjunkshi denoncon strukturat shtetërore të cilat sipas tij kanë nisur një terror mbi qytetarët e kryesisht bizneset që të mos marrin pjesë në protestën e 16 Shkurtit në Tiranë. Deputeti Gjunkshi tha se pas protestës së mbajtur në Dibër pak ditë më parë, atje kanë zbarkuar struktura të ndryshme të cilat me anë të kontrolleve kërcënojnë bizneset apo qytetarët që të mos marrin pjesë në protestë.
Nga ana tjetër Gjunkshi u shpreh se asnjë lloj presioni nuk do t’i ndalë qytetarët për tju bashkuar protestës së madhe të opozitës me 16 Shkurt në Tiranë.
