Kryetari i Partisë Demokratike Lulzim Basha, ka thirrur mbrëmjen e sotme Kolegjin e Kryetarëve të degëve.

Burime nga Partia Demokratike bëjnë me dije se në qendër të bisedimeve të kësaj mbledhje është protesta e paralajmëruar për tu mbajtur të enjten.

Burime nga mbledhja bëjnë me dije: “Protesta e opozitës vazhdon e pandërprerë! Mbledhja është për përgatitjen e një proteste tjetër po aq të madhe për të shprehur vullnetin e shumicës kundër qeverisë dhe Kryeminsitrit ilegjitim”.

Nga ana tjetër kujtojmë se forca të shumëta policie janë hedhur në terren për të identifikuar dhe shoqëruar të gjithë personat që kanë kryer veprime të dhunshme tek institucioni i Kryeministrisë.

Deri më tani është shoqëruar ish-drejtori i Policisë Bashkiake Florenc Hoxha, si dhe rrreth 25 persona të tjerë, ende të paidentifikuar për mediet.