Kanë nisur procedurat për djegien e mandateve të opozitës. Ku sipas Kodit Zgjedhor në rast se një deputet vendos të djegë mandatin e tij, automatikisht i kalon deputetit që e ndjekë në listë. Por, deputeti i PD, Luçiano Boçi ka sqaruar se mandatin e tij nuk do ta marrë askush.

"Mandati nuk është person por vullnet politik i zgjedhësit dhe shpreh ide për vizione politike. Kur vullneti është i  deformuar, ai nuk ka as vlerë dhe as emër, as parti. Ai digjet sepse ka djegur demokracinë, parlamentarizmin, të ardhmen. Pas djegies vjen hiri. E pas tij dëshira e përkushtimi për të ndërtuar jetën dhe të mirën".

Reagimi i plotë i Boçit:

Ka shumë debat se si shkon puna me mandatet që janë në lista.

Një debat shterpë që stimulohet kinse nga ato që duan të mbajnë me gajret njerëzit e të gënjejnë demokracinë.

Mandati nuk është person. Ai digjet sepse ka djegur demokracinë, parlamentarizmin, të ardhmen

Mandati është vullnet politik i zgjedhësit dhe shpreh mbështetje për ide e vizione politike.

Kur vullneti është i deformuar, për shkak të grabitjes, vjedhjes, blerjes ai nuk ka vlerë. Nuk ka as emër e as parti më. Ai digjet sepse ka djegur demokracinë, parlamentarizmin, të ardhmen.

Pas djegies vjen hiri. E pas tij dëshira e përkushtimi për të ndërtuar jetën dhe të mirën.

Kufomat politike që varen sot në mandate të deformuara, që ecin somnambul e që kafshojnë ç’të gjejnë përpara, janë zombit e fundit të epokës parapolitike që po kalojmë.

Gremina është destinacioni i paracaktuar i tyre.