Raportuesi i Shqipërisë në Parlamentin Evropian, Knut Fleckenstein bën me dije se do të vizitojë  Tiranën, në një prononcim për gazetën “Shekulli”. Ai do të vijë bashkë me një grup eurodeputetësh të Parlamentit Evropian, pjesë e Komitetit për Marrëdhënie me Jashtë të PE-së.

Vizita e tij vjen në një kohë kur në Shqipëri kanë shpërthyer protestat kundër qeverisë Rama dhe kriza politike ka kapluar vendin. Po sot kreu i opozitës Lulzim Basha dorëzoi mandatin e deputetit në Kryesinë e Kuvendit duke paralajmëruar shtrirjen e protestave në mbarë vendin.Në një intervistë për “Deutsche Welle”-n Knut Fleckestein deklaroi: “Mos prisni që gjithmonë të vijnë arbitër nga Brukseli për të sheshuar çdo grindje, thotë raportuesi për Shqipërinë në Parlamentin Europian dhe eurodeputeti gjerman”