Kryetarja e LSI, Monika Kryemadhi u shpreh se opozita e bashkuar nuk do të ndalet deri në largimin e Ramës dhe mbajtjen e zgjedhjeve të parakohshme.

Gjatë takimit me strukturat në Roskovec, Kryemadhi tha se Edi Ramën do ta rrëzojnë socialistët e tij dhe se LSI-ja po ngre grupet e punës në cdo qendër votimi.

“Duhet të rrezojmë Ramën sepse shqiptarët meritojnë më shumë. Nuk nuk kemi nevojë për një lider psikopat. Nuk do të ndalemi dhe do vazhdojmë çdo ditë që te takohemi me qytetarët. Do ketë zgjedhje të parakohshme politike. Çdo ditë qe kalon Rama bëhet më i dobët. Edi Ramën do ta rrëzojnë socialistët e tij, por ne do i shtyjmë dhe do largojmë fenomenin e një kryeministri që është i lidhur me krimin. Situata politike është shumë e tensionuar, por shpresa e lirisë është shumë afër. Mos u kërcënoni, një popull i tërë e fshin një njeri. Sot duhet të organizojmë njerëzit për t’i cuar në kutitë e votimit”- tha kryetarja e LSI.