Situatë aspak e zakontë për një vend normal ku mbizotëron rendi e ligji po ndodh me kryeministrin Edi Rama. Pavarësisht se ka nën sundim 10 mijë policë pasi ashtu i përdor sikur ti kishte ushtarë të tij, Rama është parë t’u fshihet protestave që qytetarët paralajmërojnë kur ai cakton në agjendë të vizitojë qytete të Shqipërisë.

Dje zyrtarisht u njoftua se do të shkonte në Shkodër dhe pasi shkodranët i thanë se nuk je i mirëpritur Rama doli befas në një takim në Durrës.

A të jetë frikë vallë?

Kur opozita lajmëroi protestën e 16 shkurtit, zgjodhi të shkonte në Vlorë e për karshillëk njoftoi me hir e me pahir administratën të mbushte karriget e tij të vendosura nën kamerat manipulatore (këndgjerë, për të treguar masivitet).

Në protestën e radhës, të zhvilluar nga shqiptarët pak ditë më pas para Kuvendit, zgjodhi të fshihet  në rrethet e Cepos në Gjiorokastër, ikën fshehurazi në Lushnjë  për tu takuar vetëm me njerëzit që i kontrollon partia.

Me këtë stil veprimi , hapi tjetër do të jetë hapja e një tuneli poshtë zyrës në kryeministri për tu larguar.

Kjo është jeta publike e një kryeministri në ikje, në Shqipërinë që ai gatoi në këto 6 vite. Një Shqipëri ku frikë ka kryeministri dhe jo bandat e kriminelët që udhëtojnë pa problem mes rrugëve të vendit. Në një Shqipëri që kriminelët se kanë problem të lëvizin me armë në brez dhe në sherrin më banal nuk e përtojnë, vrasin e njerëz.Këta ecin të lirë e me karshillëk ndaj shteti e ligjit, ndërsa kryeministri fshihet sa në një vrimë e sa në një cep. / Redaksionale