Mijëra protestues kanë rrethuar Parlamentin duke ju përgjigjur thirrjes së opozitës për të reaguar ndaj një Parlamenti ilegjitim. Protestuesit po ndjekin dorëheqjet publike nga mandati i deputetit të deputetëve të listës pasuese. Protesta është madhështore dhe është organizuar vetëm brenda 24 orëve nga moment kur u shpall nga Parlamenti ora e protestës.

Një mesazh i është drejtuar ministrit të Brendshëm Sandër Lleshaj nga protesta që po zhvillohet përpara Kuvendit të Shqipërisë. Mesazhi është dërguar nga një kandidate e listës së PD-së, e cila e ka refuzuar marrjen e mandatit të dorëzuar nga opozita.

“Sot është dita jonë, – tha zonja. – Asnjë hap pas! Kam një porosi për zotin Lleshaj: ne veriorët, burrat e mirditës dhe burrat malësorë, nuk e kanë pasur zakon t’u shërbejnë horrave të monizmit!

Më pas, fjalën e kanë marrë dy kandidate të listës së PD-së në Sarandë dhe Mat, të cilat e kanë refuzuar marrjen e mandatit të dorëzuar nga opozita. “Unë isha përfaqja direkt e PD në listën e Sarandës dhe sot KQZ më kërkoi të merrja mandatin. Unë nuk mund ta pranoja atë mandat”, theksoi politikania e re.

Protestuesja e radhës vinte nga Mati. “ Zoti Rama, qyteti im është boshatisur, qindra të rinj kanë marrë rrugët e emigrimit, shtëpitë po dalin në shitje, ndaj unë sot nuk e pranoj atë mandat dhe nuk bëhem pjesë e këtij parlamenti.”