Zv. ambasadorja amerikane Leyla Moses-Ones ka shkuar në mesditë në selinë e LSI-së, për të takuar Kryetaren e LSI-së, Monika Kryemadhin. Takimi ndodh në kushtet e krizës politike në vend, valës së protestave të fuqishme popullore dhe djegies së mandateve nga deputetët e opozitës dhe kur kërkohet me insistim, dorëheqja e kryeministrit Edi Rama dhe hapja rrugë e zgjedhjeve të parakohshme.
Po sot, zonja Leyla Moses-Ones u takua me Kryetarin e PD-së, Lulzim Bashën.
Ambasada e SHBA-së në Tiranë nuk dha asnjë njoftim se cila qe arsyeja e takimit. Gjithashtu, edhe kreu demokrat Lulzim Basha nuk tha ç'iu kërkua apo bisedua, por ai ritheksoi qëndrimin e vendosur të opozitës për të mos bërë asnjë hap pas.
