Analisti Andi Bushati, i ftuar në rubrikën ‘Opinion’ në News24, ka komentuar aktualitetin politik si dhe përplasjen e policisë dhe disa familjeve tek ‘Petro Nini’.

Bushati u shpreh se shqiptarëve e vetmja mënyrë për të fituar të drejtën e tyre u ka mbetur dhuna përballë pushtetit të parasë. Ai mori si shembull protestën e banorëve të Kukësit, atë të banorëve të “Astirit”, ku falë protestës së tyre ( e para me dhunë), u arrit disi e drejta.

“Më vjen keq që e vetmja armë për të gjetur të drejtën ka mbetur dhuna. Imagjinoni sikur ata familjarë tek ‘Petro Nini’ të kishin qëndruar të heshtur dhe të kishin ulur kokën. Nëse ata do thoshin s’kemi cbëjme, shtëpia e tyre sot do ishte prishur. Problemi është se pse duhet që në këtë vend, edhe gjykatat edhe policia, pra të gjitha institucionet janë vënë në shërbim të të fortëve. Është një masë që duhet përshëndetur shkarkimi i drejtorit të Policisë së Tiranë, pasi kur një institucion reagon është pozitive. Përtej reagimit, pas faktit duhet parë edhe analiza që shkon më thellë. Pse policia u vu në shërbim të nxjerrjes jashtë të disa familjeve? Nëse këtu nuk përdor mjete ekstra ligjore ti mbetesh një njeri i shtypur. Ata në Kukës iu ul taksa në Rrugën e Kombit se i vunë flakën kabinave. Ata do paguanin 5 euro nëse nuk do kishin reaguar. Pse jetojmë në një shtet që ti duhet të bëhesh i dhunshëm që të fitosh të drejtën tënde. Mos vallë kjo është mënyra e vetme që i ka mbetur shqiptarëve përballë pushtetit të parasë?”- tha Bushati.