16 marsi do të mbahet mend si protesta më e madhe e zhvilluar në historinë e Shqipërisë kundër qeverisjes së tij. Edi Rama u tall me mbështetjen e kauzës së opozitës, por shqiptarët treguan sot se kryeministri në ikje është vetëm.
Dhjetëra-mijëra shqiptarë të mbledhur sot ë Tiranë i treguan jo vetëm Ramës por edhe botës se ata nuk e duan më këtë qeveri të cilës i kanë plasur në duar skandali i marrjes së pushtetit duke blerë votat.
Pjesëmarrja është fitorja e parë e protestës. Sot ka më shumë protestues se në çdo miting tjetër
Protesta e opozitës ka arritur fitoren e parë që në nisje të tij. Pjesëmarrja masive e qytetarëve është një fakt që nuk mund të fshihet tashmë as nga mazhoranca dhe as nga mediat afër saj.
Si asnjëherë më parë, qytetarët kanë marrë pjesë në protestë duke mbushur jo vetëm bulevardin “Dëshmorët e Kombit”, duke filluar nga Sheshi Nënë Tereza, zonën përreth Piramidës, Kryesisë së Kuvendit dhe deri në sheshin “Skënderbej”.
Pjesëmarrja masive më shimë edhe se me 16 shkurt është fitorja e parë e opozitës dhe ky është mesazhi kryesor i Protestës. Kjo është prova që konfirmon se mbështetja qytetare për opozitën është rritur pas djegies se mandateve!/ Redaksionale