Kryebashkiakja e Përrenjasit, Miranda Rira e cila është bërë nënë prej pak ditësh, ra sot pre e një sulmi të kryeministrit Rama, i cili tha sot nga Librazhdi e ngacmoi se, pas 30 qershorit zonja që përfaqëson LSI-në duhet të merret me beben.
Lidhur me këtë ka reaguar edhe ish ministri i drejtësisë Ylli Manjani, i cili i kërkon Ramës të kërkojë një falje publike, ashtu siç kërkon edhe vetë në rastet kur i përmenden familjarët.
“Në emër gjithë sa ka thënë vetë Ai, kundër të gjithë atyre që publikisht kanë linçuar familjarët e Tij, Edi Rama duhet ti kërkojë falje publike Miranda Rirës! Me të njëjtin standart që ai kërkon nga të tjerët për fëmijët e tij, asgjë më shumë. Duhet thjesht dhe njerëzisht të kërkojë ndjesë Mirandës dhe familjes së saj. Jo LSI, as Opozitës se është e tepërt, por thjesht Mirandës! Nëse do që të ketë të drejtë ende të kërkojë të mos ja përmendin fëmijët e Tij, duhet ta bëjë dhe menjëherë. Do ta përshëndes po e bëri një gjë të tillë. Nuk është politikë kjo e linçimit të familjes dhe jetës private”, shkruan Manjani në reagimin e tij.