Policia jonë, qysh prej vitit 2013 është mbushur me më shumë se 500 e ca oficerë me shkollë sigurimi. Këta që janë të shkollës së Enverit, të diplomuar në Sauk, janë hekurishte që nuk i vlejnë kujt. Mirëpo, po të pyesësh drejtuesit e Ministrisë së Brendshme, ata vlejnë më shumë se floriri. Shumica socialiste i mbron fort këta. Ka një besim më shumë se të verbër. Kjo sepse kujton se vërtet këta marrin vesh nga zanati. Por oficerët e Sigurimit të Shtetit, këta mjeranë të sajuar me formim krejt mediokër as atëherë nuk kanë bërë por as sot nuk mund të bëjnë dot gjë. Ata janë punëtorë partie. Si të tillë merret me punë partie, me mbledhje votash, e gjëra të këtij lloji. As vigjilencën revolucionare nuk e kanë të lartë, por as me anën profesionale nuk janë në rregull. Ata pëlqejnë të lavdërohen se çoç janë. Nuk janë asgjë në fakt. Nuk është parë e dëgjuar vjedhja e sotme. Dhe kur? Pikërisht me avionin që një mik i Shqipërisë sapo kishte ardhur.