Edi Rama duhet të shpallë gjendjen e jashtëzakonshme që të legjitimojë nxjerrjen e ushtrisë në teren për të ruajtur rendin dhe sigurinë. Akti i Ramës për të mbuluar paaftësinë e Sandër Lleshaj vjen në shkelje të Kushtetutës.
Kushtetuta shprehet qartë për rastet kur ushtria duhet të marrë në dorë mbrojtjen e rendit. Në mënyrën që Rama po e bën sot , I “sëmuri psiqik” sikurse edhe mediat I kanë publikuar kartelën, kërkon të ngrejë në Shqipëri juntën ushtarake.
Mbrëmjen e sotme Rinasi është pushtuar nga ushtarë, pavarësisht se Kushtetuta thotë se vendimi duhet të kalojë përmes Kuvendit dhe jo deklaratës së një minister.
Sipas Kushtetutës në rast rreziku për rendin kushtetues dhe për sigurinë publike, Kuvendi, me kërkesë të Këshillit të Ministrave, mund të vendosë në një pjesë ose në të gjithë territorin e shtetit gjendjen e jashtëzakonshme, e cila zgjat për aq kohë sa vazhdon rreziku, por jo më shumë se 60 ditë.
Me vendosjen e gjendjes së jashtëzakonshme ndërhyrja e forcave të armatosura bëhet me vendim të Kuvendit dhe vetëm kur forcat e policisë nuk janë në gjendje të rivendosin rendin.
Zgjatja e afatit të gjendjes së jashtëzakonshme mund të bëhet vetëm me pëlqim të Kuvendit çdo 30 ditë, për një periudhë jo më shumë se 90 ditë!!
Gjendja e jashtëzakonshme vendoset me ligj nga Kuvendi, sipas dispozitave të Kushtetutës së Republikës së Shqipërisë.
Me vendosjen e gjendjes së jashtëzakonshme, Forcat e Armatosura, me vendim të Kuvendit, pas kërkesës së Këshillit të Ministrave, mund të ndërhyjnë për rivendosjen e rendit, vetëm kur forcat e policisë nuk janë në gjendje ta kryejnë këtë detyrë.