Digjet gjatë natës makina e shefit të seksionit të krimeve në policinë e Tepelenës. Automjeti ishte i parkuar pranë banesës së Gentjan Shehut në lagjen “15 shtatori”, në momentin që u përfshi nga zjarri.
Si pasojë e flakëve mjeti pësoi dëmtime të shumta në pjesën e përparme, ndërkohë që rrethanat e ngjarjes janë ende të paqarta.
Paraprakisht dyshohet për shkëndijë elektrike, ndërkohë që po punohet edhe në pistën e zjarrvënies së qëllimshme.
Grupi hetimor ndodhet në vendin e ngjarjes dhe po punon për të hedhur dritë mbi gjithë sa ka ndodhur.
